رعاك الله

رعاك الله يا ذكرى ليالي اللي تمر البال
تذكرني سعادة يوم اغمض وابحر بفكري
تغير حالي المنهك طيوف الحب لافضل حال
تباعدني عن الدنيا وما فيها ولي عذري

انا العاشق عشقت الشمس والقمره غلا وامال
انا المغرم ومازال الغرام يهب في صدري
انا الماضي وانا الحاضر وانا مستقبل الاجيال
انا اللي في ايديني لعبة الاحلام من بدري

انا الافراح والارباح والفايض وراس المال
انا الافكار والاسرار وادفن في الفضا سري
بعيد هناك ما ينشاف وان شافوه ما ينطال
اعيشه بيني وبيني وكل الناس ما تدري

اصابر واتصبر واعرض حروفه حكم وامثال
ومهما راحت الدنيا باهلها ما نفذ صبري
فمان الله وحفظ الله وتبقى دايما في البال
فمان الله يا شخص مع عمره خذه عمري