فتنة عيونك

انا اعتذر لك عن ما جرى لك
انسي جروحك ذيك الليالي
وانتي يا شوقي مبغى بدالك
محدٍ سواتك في القلب غالي

قلبي وروحي ملْكك ملْكك حلالك
وكلّ الاماني انك ملكي لحالي
من زود حبّك حبّك قلبي وفالك
وانتي بقلبي بقلبي فوق العوالي
وانتي بقلبي فوق العوالي

ودي بقربك كنّي ظلالك
قُرّة عيوني شوفك قبالي
يالله يا ربّي جلّا جلالك
من حسنِك اللي عدّى خيالي

قمرا وتمشي لبّى لبّى جمالك
البدْر شافك شافك روّح هلالي
من زود حبّك حبّك قلبي وفالك
وانتي بقلبي بقلبي فوق العوالي
وانتي بقلبي فوق العوالي

فتنة عيونك فيها مهالك
جفنِك لرمشك كنّه ظلالي
حمرة شفاتك توت انثنى لك
ثغْرٍ يهوّل والريق حالي

يمناك ورده واخرى واخرى شمالك
يسقيه دمعك عذب عذب الزلالي
كل المعاني تعني تعني وصالك
دونك دقيقه دقيقه ماني بسالي
دونك دقيقه ماني بسالي