التحفه العاجيه

يالفارقه يا ام المقام السامي
يآجمل نساء الكوره الارضيه

الكيف والله شوفتك قدامي
ماهو بكيف الدله البريه

توسدي عوج الضلوع ونامي
وتسلطني يالتحفه العاجيه

من يشبهك ياواقعي واحلامي
وانتي صباح العيد والعيديه

عينك دمار وضحكتك سونامي
وخصرك ل حاله كارثه كونيه

عنقك بخور معتقن فتنامي
وثغرك علاج العله النفسيه

خذيتني مني وجيتك ضامي
وهسترتبي بالشفه الحدريه

لبا شهدك المنغمر ب انسامي
ولبا وصوف اللوحه الفنيه

الله يقوي في لقاك عظامي
دلعك فطره وغمزتك عفويه

ياسيدة عرش الحسن وهيامي
ياغلى كنوز الطفره الماليه

اشوش لك واكرب معاك حزامي
واناطح الايام بالشبريه

من تجربة عمري ونزف اقلامي
هالمترفه ماهي ابد عاديه

فيها سحر بغداد وطهر الشامي
وطيب الكويت وهيبة السعوديه