خذي هبايب نجد

خوذي هبايب نجد مني سلامي

شوق المحبه لاريش العين وديه

و احكي له اللي صابني من غرامي

و قولي ترفق في حبيبك و داريه

عساه يسمع قصت  و اهتمامي

و يرد ماضي أسعدتنا لياليه

و اللي يعيش بواقعي ما يلامي

معذور من يشكي الجفا من محبيه

زرع المحبه عندك اليوم ضامي

يا صاحبي و الهيف بانت مواريه

و الى على الذكرى تزايد هيامي

يا حرّ بحرٍ هايجٍ و انت راعيه

بينت لك قصدي و غاية مرامي

و انت و ضميرك سوي ما كنت ناويه