الفرج

وين العزيز اللي خذا الطيب كله
وين الصديق وين هذاك الانسان
وين اللي لاحدثك ما تمله
يحلى معه جو الونس وين ماكان
وين الذي لاجيـت له تعتذر له
عن الخطا سامح وهو منك خجلان

يوم ضاقت .. قلت وينك يالفرج
قال جيت و شفت حولك .. الف صاحب .. و خفت اسبب لك حرج

وين ابو الفزعات عني .. ما قدرت القاه .. وينه
و من لمحني فوق كف الموج فض .. و كسر الواح الرجا .. بيني و بينه
حزّ نفسي وغص في حلقي ورض .. كل ضلع ٍ لي معاه .. وغض عينه
يحسب إني مت هم .. مادرى إني حيْ لكن .. مِت من خنقة يدينه؟!

يالفرج : صاحبي ما شفت زوله .. من فقدته يوم شده
يالفرج : والله لوجاني على قلعة عيوني .. حالف ٍ إني ما أرده
والموّده يالفرج هيّ الموده ..
صاحبي .. مالي بصده
صاحبي روحي عرينه ..
ولو نصاني والنواصي فوق قبري .. عشب قبري
ادعي الله إني أحيا .. لجل أعينه

إرتكيت .. وأثر ظلي مايمون
وأثرني كومة طعون
من غلاة أصحابها .. ما قدرت آقول : آخ
صاحبي لو جار منْه الجور عادي

صاحبي ما دمت انا ستره وثوبه
صاحبي ما آقول عنْه أبدا وتوبه
يا هلابه .. وبعيوبه .. وبذنوبه .. يا هلا
إن وصلني يا هلا .. وإن قطعني يا هلا
صاحبي وإلا فلا .. وإلا فلا