انا مشتاق

يمر الليل ويهب النسيم
وتاخذني طواريك معه
على الذكرى القديم يا قديم
انا حالي براه اللي براه
ورا الخافق لك سر مقيم
حفظته مثل حفظي للوصاه
يا عنق الريم يا عين العديم
ويا مبدا القصيد ومنتهاه
يا ابو خصر نحيل مستقيم
وردف تشتكي منه العباه
انا مشتاق والله العظيم
وشوقي واصل لاجلك مداه

ترى ما نديم الا النديم
مصيره يذكره مهما نساه
اشوفك نور في الليل العتيم
واشوفك موت واشوفك حياة
واشوفك موت واشوفك حياة
تعال وداوي قلب مستهيم
تعنا لك وخلاهم وراه
انا في صوتك المبحوح اهيم
سقيم حال في صوتك دواه
غدا قلبي من اسبابك هشيم
يرد الصوت ويجاوب صداه
تركت الناس واخترتك لزيم
حرام يبيع قلبك من شراه
قبل كنا على الدرب السليم
وطير الحب يكفخ في سماه
واثر ما فيه شي يستديم
مصير الوقت ياخذ ما عطاه

زمانك صار للعاشق خصيم
اذا حبيت لك شخص خذاه
بدايات الهوى جنة نعيم
وحب وشوق و وصل وغناه
وثالثة غذت نار وجحيم
وراحت مثل مروح القطاه