وجهك الجذاب

أسكر على طلة محيا وجهك الجذاب
كنه نعيم الجنه الي جيته اسلم
واشكر غرامك دام قلبي في غرامك ذاب
وفي جمالك لاهي وهايم ومغرم
فاشوف موتي بين حور العين والاهداب
لك نظرت تكوي وتشفي نار وبلسم
وفي شفاتك حين تهمس حسن وعذاب
ببقا به انا عاشق ومشتاق ومهتم
وبوجنتينك ورد ابعطر الهوا غلاب
اليا شممته والله اني ما اعرف اتكلم
وبشعرك الليل الطويل الساحر الخلاب
اللي يشوفه من جماله غصب يتلعثم

يافتنة القلب الرهيف يغريني غنجك اللطيف مالك شريك ولا وصيف الا قمر اربع عشر
تعال مابين الضلوع قلبي على بعدك يلوع أهون علي اضما واجوع من المفارق والقهر

سبحان رب صورك يافتنة الاحباب
حتى الوفي من الوفا يازين يتألم
تخلي أثقل قلب يصبح كنه الهباب
بوجهك الزين السموح الصافي الملهم
وانا بعد مازاد حبي زود والإعجاب
تحرم عيوني يومها بالقرب تتحلم
تكفى عيوني اروها لاهيم في سراب
يكفي تغلي شوفني بالنوم ما انعم