احبك يوم تاخذني (مع محمد الديحاني)

تعبت
تعبت اشتاقلك واشكي
تعبت احن لك وابكي
تعبت اعاتبك واحكي
تعبت اعيش متفاني
..
انا اللي عانق طيوفك
ولامس بالوفاء كفوفك
وحبه مات في جوفك
وتهجرني وتنساني
..
سهير الليل من دونك
اسامر نظرة عيونك
ترفق بي على هونك
ترفق ليه تجفاني
..
انا باعيش لوصالك
لو اني منك متهالك
فؤادي لا تعنّالك 
سوا شوفتك ما يداني
..
الا وين الهوى والشوق
افوق من الهوى واتوق
واضيق من الحزن واروق
من اللي فيك عزّاني
..
عزاي اني تمنّيتك
وواعدتك ووفيتك
غلاك وما تناسيتك
لو ان الشوق عنّاني

..
انا اول من بكى بعدك
وانا اول من طوى دربك
واول من سكن قلبك
غرامي يوم هنّاني
..
احبك يوم تاخذني 
عن العالم وتبعدني
واحب اسمك يراودني
على صوتي وقيفاني
..
تذكر يوم ناديتك
وواسيتك وضميتك
وعانقتك ولميتك
يوم انك كنت تنخاني
..
فمان اللي ينسيني
لا بان الشوق في عيني
وقصيدٍ فيك يرثيني
الى من مت باحزاني