بإختصار

مدري من الغزلان ولا فيك من وصف المهار
 لكنك أرقى من وصوف الناس وأحلى غلا
 فريد زينك غير وموقّع على عقد إحتكار
 مكملك ربي جمال وقبله وملح وحلا
 ونعومة وهيبة وتيكيت ودلع نار وشرار
 مالك مثيل ولا وصيف ولا شبه ولا، ولا
 
 تفرق على كل الطوال من الخلايق والقصار
 وعلى النحيف المنقطع واللي من الوزن امتلا
 وعلى الأوادم كلهم في كل بيت وكل دار
 والنايم إليا نام والصاحي ومن شرب وكلا
 
 من شافك ودقق وحقق وانتبه شق الزرار
 وأكبر دليل أمك وأبوك إن جيتهم جاهم بلا
 ماني موصّف ويش، ويش وكيف، كيف وبإختصار
 هات المحبة والغلا واخذ المحبة والغلا
 وأمر وما تبغيه لو هو مستحيل يصير صار
 أمرك على الخشم وعلى العين وعلى الراس وعلى
 
 يمين بنوجه يمين يسار بنوجه يسار
 قدام والله يلعن اللي ينفهق تو الملا
 لكن تراها طوّلت وأنا ما أحب الإنتظار
 محتاج أجيب الفكرة اللي في خيالي من إلى