قدر قدر والليله الليلة ترا ليلة شعر والليله الليلة القصيدة بكل شي فارقة لن الشعر لو مازج الاحساس يترك لك اثر واجمل قصيده في الحياة تكون لازم صادقة ياما قصايد تنكتب وتموت في اول شطر وياما قصايد في خيال الشعر تمت عالقة وياما قصايد عايشة واللي كتبها في القبر عاشت مع روح الشعر واهل الفكر والذايقة فيني وله فيني غلا وفيني من ايامي صبر والوقت يمشي والثواني في ضميري حارقة عكس النوايا تفتح عيونك وحلمك ينكسر وتلملم احلامك وروحك من زمانك ضايقة اشتقتلك و اشتقت لك و الشوق ما منه مفر ويزيد حب الشي اكثر لا اجبروك تفارقه وانا فؤادي فيك ما يسمع من اراء البشر لن البشر اراءها متعاكسة ومتفارقة تدري وش اكثر شي يشبهني وانا عكس البحر اشياء كثيرة مبهمة واشياء كثيرة غارقة في داخلي حص البحر وفي داخله يمكن غدر يعطيك شي تاخذة وفي شي ثاني سارقه ياما كتبتك شعر باحساسي وانا كلي فخر وانا كتبتك نور في كحل الليالي الغامقة وان كان روض الشعر ما كفاك بكتبلك عمر ودقات قلبي فدوتك ياللي بفكري شارقة
