هذا وانا الغالي

هذا وانا الغالي بقلبك وشف وش صار
أجل لاقلبك كرهني وش يسوي

كنّك تقول اسمع حلّين واختار
ياتنوي الفرقى ولاّ أنا بنوي
من غبت عن عيني وانقطعت الأخبار
وجوي اللي أخبره ماعاد جوي

حنّا تجمعنا محبة ما أظن ثار
احترت مدري حبيبي وإلا عدوي
تعبت انا اصبر وارتجي غيث الامطار
وانت غيثك سحابة شربها يروي

أول اخبرك عاطفي حيل بك نار
وماينطفي ضوك إلاّ على ضوي
واليوم أشوفك صرت بالحيل جبار
وأثرِ توي عرفتك يافلان توي