Kalimat Anghami
Picture of the item

رهين الامل

محمد المالكي  (٢٠٢١)

7.6K إستماع | 101 إعجاب
ياليل القصيد اللي سريتك بطولة بال
على الهون باقي ما ابتديتك ليا هالحين

انا صاحبك وانت تعرفني بدون جدال
ولاقد سريتك لـ اكتب البيت والبيتين

صداقه وخوة جنب ومهيلات دلال
وعلوم ابجديات الشعر والجناب الزين

صداقة عمر ماهي علاقه ثلاث ليال
ولاهي مودة صاحب الشك والتخوين

هواجيس فكري وقفتني على الاطلال
ولا وقفت ونات صدري ودمع العين

تذكرت والذكرى لقلب المحب اذلال
وماورث الاموات في ذمة الحيين

ونور البدر لاعاكس العقد والسلسال
وتمثنى النسيم بجيدها وانثنت له لين

ثمل كل عرق بوصلها والحياة وصال
ولولا الوصل ومكايد الشوق للغالين

يابنت الغياب اللي خذيتي الجفا موال
خذيني على بال الحزن قبل لاتغنين

وعيشي شعور اللي رهن عمره ولازال
رهين الامل ويخاف تلويحة الكفين

على شان اعيشك مابقى لي من الاجال
بذكرى الغرام اللي قضيناه بين وبين

يمر العمر ونقول بكره يزين الفال 
وبكره يجي ونقول هذا الزمان الشين

والايام محسوبه والامال ماتنطال
ويبقى البن ادم في رجى يمكن وبعدين