يهون عليك

يهون عليك ترحل ما أشوفك
 يهون عليك ماتودع حبيبك
 دموعي حلمها تلمس كفوفك
 عسى ماصاب عيني مايصيبك
 
 سألتك بالذي ميز جمالك
 تخلي صورتي دايم قبالك
 وأنا مافي ايدي إلا وصيه
 على نفسك حبيبي خلي بالك
 
 أنا محتاج لقربك وعونك
 لان العمر ذا يقصر بدونك
 انا مالي أحد في الدينا غيرك
 انا مالي عيون إلا عيونك
 
 انا صحراء املها في سحابك
 انا فيني جروح كثر مابك
 تعال لو تبا تعذيب روحي
 عذابك عندي أهون من غيابك