Kalimat Anghami
Picture of the item

ابيك الحين

متعب بن دخنه  (٢٠٢١)

15.7K إستماع | 269 إعجاب
عن الي صار بغيابك اذا يدرون ماتدرين
تعالي ودّي إنًي اشـتكي ..لعيونك غيابك

خذيني والله إن عمري على احضانك ثلاث سنين
ماعلّـمك الحنين الّي يوقـفني على بابـك

تراي الّي رمى عمره ورى عمره عشان تجين



يغنيّك السهر في كل ليلـه ياقمـر تشرين
كتب ربّي احبّك ماكتب لي اكتب كتابك

تعتّق بالي بذكرك وانا الّي منتظر بعدين
ياخوفـي: كان قللّـتي غـلاي بقـلّة عتابك

إذا تسمح ظروفك او ماتسمح ابيك الحين
ياوجه الله على ضمّة يديك وخمـر عنّابك

تمريّن وتوقّـف كل حاجه ! لحظة تمريّن
تمنّى لو هي الّي كانت اغراضك او احبابك

تصافحك اليدين ولاتحس انها بعدك يدين
بتورق من مصافحـك وملاقـاك وترحّـابك

تبسّامك حياة وشوفتك نعمه وحكيك لِين
يحييّك المكـان الّي تجـيـنه ويتـحـلّى بك

عيونك شوفي عيونك وقولي لي وش تشوفين
ماغير اعجابك بهذا الجمال بياخذ اعجابك

عليه من السلام الّي يطرّا لين يوم الدين
وعليّ الّي عليّ من الحنين الّي تغنّى بك

حبيبة قلبي الاولى ووحشة هالغياب لوين
شقول لقلبي الّي مات بك من قبل يحيابك