كان ودي

كان ودي نلتقي
في حياتي تشرقي
مثل نجمة تبرقي
لكن اضروفك غريبه

انت عارف يالحبيب
انا عالمنا غريب
والهوى قسمة ونصيب
وهاذي الدنيا عجيبه

كيف قولي لي يكون
حبنا بس بالعيون
اطلبي عمري يهون
والقمر عندك اجيبه

خلك احساس وخيال
وخلني صورة وجمال
نلتقي هذا محال
حتى لو اني قريبه

كل واحد في طريق
والهوى اشواق وحريق
قلبي محتاج لصديق
للأسف ضايع نصيبه

شايفه وقتي يروح
والهنا عمره جروح
قدر وخلك سموح
خلني بعيونك حبيبه