Kalimat Anghami
Picture of the item

وصلنا

عبدالعزيز لويس و بدر الشعيبي  (٢٠٢١)

127.9K إستماع | 6.9K إعجاب
أخيراً .. وصلنا .. للحظة ذي سوى
بعدما شقينا وغربلنا هالهوى
يحق لك .. يا قلبي .. تشك فـ ناظري 
هيّه حقيقة شوف او حلم يا ترى ؟!

وادري يا قلب بموقفك واحساسك افهمه   
وان العقل ما استوعبك واللحظة حالمه  
وان الوعي فـ اللاوعي مشبوك ومعتفس   ! 
واحساسنا يا قلبي آه .. صعب نكتمه 

قرصوه قرصوه قرصوه قرصوه
هالقلب يا الربع تكفون قرصوه
قرصوه قرصوه قرصوه قرصوه
ماهو مصدّق حلم او علم قرصوه !

قلبي انا ما الومه .. إذا ضيّع علومه
اللحظة هذي مربكه الله يعينه فيومه
ما اقدر انا اخبّي .. كاهو اللي احبه جنبي
دقات قلبي مخربطه ساعدني بس يا ربي 
 ———-
يا الله يا كريم .. يا الله يا كريم 
يا الله بهالعتيم .. المحب يلقى ضناه
———-
من عرفتك والعشق اعيشه في قصّة
قصة غرامٍ غالية والحزن ما يخصّه
من عرفتك بس عرفت ان الهوى نعمه
وياك كلّي اكتمل لما لقى نصّه ! 
  
قرصوه قرصوه قرصوه قرصوه
هالقلب يا الربع تكفون قرصوه
قرصوه قرصوه قرصوه قرصوه
ماهو مصدّق حلم او علم قرصوه !

هذا حبيبي عندي .. يدينه تحضن يدي
ايام صبرك انتهت يا قلب هدّي هدّي !
ويا دقةٍ فصدري .. طيري لعنده بدري
مفضوحةٍ يا فرحتي محد بقى ما يدري !