درع العرب

درع العرب بو خالد المقدام
ياحي طاريه ويا حيه

تنقاد له كل القلوب هيام
وتفداه راضية ومرضية

بسمة محمد تنور الايام
وتنعش عليها كل نشميه

ينعشن لاجل محقق الاحلام
ويزهن بمرتعشه ومريه

عيونهن كنها عيون اريام
و مثاني دلال قريشيه

يزيد حبه عام بعد العام
بعيوننا وقلوبنا الحية

لو ينجبن البيض بالاتوام
هذا الرجل وهبة سماويه

يتبعه طهر الغيم والانسام
والطير والاغصان والفيه

لاجله تفر البندق ام حزام
في كل عياله وحربيه

عزوة عيال ادم بشرق وشام
من حيث ما سارت خطاويه

سده بعيد ونظرته قدام
و الله مسدد صافي النية

شوق الغضيض المتقي بلثام
راع الكفوف الزعفرانية