سحابة حلمنا

سحابة حلمنا مرت مع الوقت ومع الأرياح
 طواري الحب تاخذ من عيوني دايم أرقادي
 أسبح في ظلام الليل، ويتعب مني المسباح
 أنا الظالم وأنا المظلوم وأكيد إني أنا البادي
 
 أنا ما أدري من اللي باقي، في عيني بعد ما طاح
 وأنا ما صرت أفرق بين أحبابي وحسادي
 ألا ليث القلوب العاشقة معها يجي مفتاح
 لأجل إني أنا أقراها وأحدد مصدر إسعادي
 سحابة حلمنا مرت مع الوقت ومع الأرياح
 طواري الحب تاخذ من عيوني دايم أرقادي
 
 أنا مليت أعيش العمر أدور به بعض أفراح
 تعبت أهيم في وادي وحظي كان في وادي
 ترا مكسور فيني قلب وكاني طير دون جناح
 قسم بالله بس ودي أعيش العمر أنا عادي
 تعبت اليوم أبي أضحك وأترك همي ذا وأرتاح
 وأنا مؤمن قدر ربي وأبد ما يخذل منادي
 أنا أرجو من سعادة قلبي ينسى كل ما قد راح
 أبي حافظ على بعض الشموخ اللي عن أجدادي
 سحابة حلمنا مرت مع الوقت ومع الأرياح
 طواري الحب تاخذ من عيوني دايم أرقادي