Kalimat Anghami
Picture of the item

المقام النزيه

ماجد خضير  (٢٠٢١)

3.7K إستماع | 58 إعجاب
‏ابا اعتلي بالكلام المنطقي واحتميه
‏وأنا كلامي عن اهل الطيب ماله حلي

‏لكن يا أهل الرياض اللي كلامي يجيه
‏يبلغه من بحر شعري ومن منهلي

‏للشيخ نسل الشهامة والمقام النزيه
يعرف ولد صالح العجلان واسمه علي

‏وجهٍ من وجيه عزوتنا ورايه وجيه
واسمه يشرف قبائلنا وذكره ملي

والنعم في مجده الطيب ومايحتويه
اسمٍ بقى مع هل الامجاد ماينجلي

ارضاه غالي ف وسط قلوبنا نشتريه
والزين ماينشهر فالسوق لين يغلي

شيخٍ ولد شيخ وشيوخ القبايل عليه
تسمي عيالها من صِيته المعتلي

وعن الكرم كل مده طيبه من يديه
تذكرّ اهل الكرم في حاتم الحايلي

وفيه الشرف والثناء اللي في بحوره يتيه
من ياصل اول شواطي مجده المخملي

الله يعزه ويرحم في البشر والديه
اي بالله انه ليا جات الفعول هذلي