وردة ذابلة

صباح الخير وصوت الطير
يغرد لك على الشباك
ونبرات الحنين اللي
ترد ولا سمعت بوحك


صباح الخير يا أجمل من
تربع بالضمير وجاك
تغنى بالقصيد وكل
ماقيل ببحوره
يمد النظرة الشفقى
لاطاري ولا لقياك
يعود للأنين ولا


بانت له الصورة
كسير وعايش بغربه
لا حر ولا سجان
سموم الصيف تلعب فيه
ولا أدري وش هي علومه
الظلام يعم وصوت أبكم
وشباك كنت فيه القاك
ووردة ذابله ذاقت


جفاف الدهر وسنينه
أمانه يا طيور السند
قول لي وش اللي صار
مالاح الخفوق اللي
في بيته تزورينه