قمة المجد

دكت هجوس الشعر في حفل مانع 
وتزاحمت قيفان الامداح صوبه

نجم بدا في قمة المجد لامع 
ماقال تو الوقت دوبه ودوبه 

ولد محمدعزوة الجد فايع 
تشهد تواريخ العرب والعروبه 

ماقلت لا شفته ولا قلت سامع 
حر  تعلى واعتلى في  دروبه 

هذا ابن عتره يوم شاري وبايع 
يوم العرب حارب وذيك محروبه 

العز يبقى مثل حفظ الودايع 
والصدق واضح والفعول محسوبه 

من ال عتره والفعايل وقايع 
شرق وغرب من شمال لجنوبه 

حماية البل في نهار الشلايع 
يوم الفعول مقسمه ومحسوبه 

يوم الزمن ضامي وهذاك جايع 
 ضيف العساري عندهم رحبو به

ماجات من بين الحيل والطمايع 
تاريخ يشهد والعرب قد درو به 

هذا من ال عمير والجد فايع 
هم شغبة الحرب المسمى سمو به

من عجمة الوادي عمى كل طامع 
مجد على مر الزمن سجلو به 

يالله يامنشي المزون الرفايع 
بارك لراع الحفل واغفر ذنوبه