سودانيه سوود

ســــودانية سُود نبلع جم أسـود
وِرثوا أُمات جدود سودانية سُود
نصــــاقر الحاره دود سودانية سُود
نصاقر الحارة دود نطبج الدم شرار
حماس عيونا نار ما بنخاف الموت

تار الراح شهيد موتو الينا عيد
صِبّي مغستو حي مشوا خيّان وليد
دِمُـــوعِن ما بتفيد للـ مدولنا إيد
ناراً صِح تيبس قلب الأم حديد
طفح الكيل مُغطى لامتين السكوت

كنداكاتنا مــرِقّن زينة
 ردِن للـ ملونا غبينة
كيتاً كيةً للـ مابينا
 بطونا سَت ملانة غبينة
لِسه الوجعه ما إنفشينا
عاد حرمانه تبقى علينا
قفانا رجال ركيزه متينة

قوموا كب دُغش باكرية
وِلادنا المنكم محريه
العداله تبقى قضية
شِعارنا الوُحده والحُريه
مافي سلام بِدُور لو منيه
مِي ميل زندقه وزندية
ننسى فِكرة القبلية

مرقت حُوبة شيلة تار
تاوروا النام ضميرو وجار
لما أتجوجا شعبنا ثار
لاكُوا المُره قرّشوا النار
عدّلة ميله مو فوشـــار
الدبارة نان يا كُــــبار
حال سُـــــودانا ناقصو عمار
سودانية ســـــود

قوموا لإقتصادنا وقوموا
 للغشيم الزازا بِقُصــادنا
قوموا نشوف حصادنا العالم ناقصو زادنا
نساند القالو ســوا مِـــي نِــضيم مُروه
القوه في إتحــــــادنـــا
السمونا ســود سيـــاده نحن ذاتنــا

عاينو يا الفراجه   سودانية سود
كدي سكتوا الهراجه . . سودانية سود
هُوي درسنا الخـــواجه
عاينو يا الفراجه   سودانية سود
كدي سكتوا الهراجه . . سودانية سود
هُوي درسنا الخـــواجه سودانية سود
هي قومنا العجاجه   سودانية ســود