سحايب الفرحة

سحايب الفرحة مطرها ( هماليل )
من ( نجد ) لين حدود مكة وجدة

( الليلة الليلة ) تزين التعاليل
من قلب (حصة) يا فهد والمودة

عن الفخر بنت الملوك الحلاحيل
ياللي ترد ( العلم ) للمجد رده

سلمان ابوها تاج روس الرجاجيل
ما الله خلق بين المخاليق نده

الام سلطانة حفيدة هل الخيل
اليا تلاقو معتلين ( الاشدة )

اقبل فهد في طلته نافل الجيل
محزم ظفر للوقت في كل شدة

ما للردى على ( سموه ) مداخيل
من طيب ابوه النادر وطيب جده

سعد بطيبه يشهدون المشاكيل
متعب هل الوقفات في كل مدة

جده شهر بين العرب كنه سهيل
( خيال رجلية ) كعام الاضدة

والجازي سلالة بيوت ومداهيل
جدانها يوم الوغى ( مستعدة )