يلازمني خيالك وين مارحت وسرحت وجيت
أسرني طيفك وحبك اسرني وصرت مفتونك
حبيبي مرني صوتك بلا موعد وانا حنيت
أجل وشلون لو عيني تصافح فجأه عيونك

فقدتك ليلة البارح غريبه ليه ما مرّيت
وموعدنا ينادينا ذبل ضي القمر دونك
ذبل كل الفرح حتى الثواني مالها توقيت
ترا مالك عذر تبعد وانا للحين مجنونك

تعال اهزم ظروفك لا تخليني اذا ونيت
انا يكفيني بس أسمع حبيب الروح وشلونك
يلازمني خيالك يا حبيبي كثر ما حبيت
وأحبك يالخيال اللي عيوني ما يشوفونك