على كثر الوفى فيني كثير الشك في حبي
انا من بد هالعشاق شعوري انت تدري به
انا انساك من جدك انا لي خالقك ربي
ولا مني نسيت الحمد قلي ويش اصلي به

غفيت ولا غفى حسك الين اللحين في جنبي
في كل لحظه معي موجود ولو طالت بك الغيبه
تراي الاوفى والاصدق ومافي لساني في قلبي
تلاقي بي عيوب الكون ولا تلقى بي ذي العيبه

احب اسمي على صوتك كثر مالشوق يلعبي
ويحلالي الزعل منك جفا قلبك و تعذيبه
واذا طاريك جا اشرق الى اقصى اللهفه واصل بي
وحشني حسك المرهف وضحكه كلها طيبه

حرام الشك ياخذنا تكرم واشتري قربي
انا لاخر نفس وياك ولا تاخذني بك ريبه
اذا ذنبك ذبحك الشك انا بالله وش ذنبي
علي تتباعد ادروبك بعد ماكانت اقريبه